Liveblog

Europeada

Europeada

    Busowej šoferaj staj wuměnjenaj - to bě planowane. Štó nětko jědźe, hišće njewěmy. Nowy njeje so hišće předstajił. Mamy pak nětko navi, kotryž pokazuje nam hišće 729 kilometrow a přijězd jutře rano 05.19 hodź..
    Jan Rehor, 6/17/2016 7:17:04 PM Uhr

    Dobre ranje Łužica! Jězba z SKWbusom.

    Jan Rehor, 6/18/2016 3:24:51 AM Uhr
    Ciao Italia! Il serbski bus è in arrivo!
    Jan Rehor, 6/18/2016 3:29:44 AM Uhr

    Žony su w Luttach runje při check-inje. Mužojo jědu dale.

    Jan Rehor, 6/18/2016 4:44:28 AM Uhr

    A tole je hotel SKWž.

    Jan Rehor, 6/18/2016 4:45:18 AM Uhr
    Před dopołdnišim spinkom po 10,5 hodźinskej jězbje chcemy wam hišće někotre informacije a wobrazy sposrědkować. Sprěnja: wšo je prima wotběžało, smy derje a strowi dojěli. Žónska delegacije spi w Luttach, muska w Steinhaus. Wsy ležitej něhdźe wosom kilometrow wot so zdalenej. Busowy šofer Šmitec wozydłownistwa dyrbi nětko dźewjećhodźinsku přestawku zapołožić. Hakle potom smě zaso domoj jěć. Transporty tu na městnje přewza zarjadowar.
    Jan Rehor, 6/18/2016 6:55:26 AM Uhr

    Hotel muži: tři hwězdy, mjeno Neuwirt.

    Jan Rehor, 6/18/2016 6:56:17 AM Uhr

    Kóždy wobdźělnik je akreditěrowany a ma najwažniše čisła.

    Jan Rehor, 6/18/2016 6:57:52 AM Uhr

    Naša maskotka za wšitke hry je nimo Hańže serbska lipa. Busowu jězbu je wona derje přetrała. Steji nětko na balkonje hotela Neuwirt a čaka na popołdniše słónco.

    Jan Rehor, 6/18/2016 7:32:41 AM Uhr

    Dobre ranje z Mühlwalda. Naše holcy su na hrajnišću a nětko tež Okcitanki.

    Jan Rehor, 6/19/2016 8:31:35 AM Uhr
    Anna Richterec dźensa hrać njebudźe. Wona je so wčera při prěnim lochkim treningu při skočnym zhibadle zraniła. Zamołwići SKWž pak su rozsudźili, zo Richterec njehraje. Za jutřišu hru přećiwo Okcitankam pak ma wona pječa zelenu swěcu.
    Jan Rehor, 6/19/2016 8:34:27 AM Uhr

    A tu su Okcitanki. Abo Okcitančanki? Woboje je pječa prawje.

    Jan Rehor, 6/19/2016 8:36:18 AM Uhr
    Zestawa SKWž: 1. Jadwiga Richterowa, 2. Janika Bětnarjec, 3. Franciska Hellnerowa, 11. Klawdija Hejdušcyna, 17. Lara Brücknerec, 21. Nadia Zamora, 12. Lenka Fryčec, 8. Chrystina Pašcyna, 4. Sofija Bejmakec, 14. Michaela Młynkec, 7. Marie-Luise Pjetašec. Za wuměnu steja k dispoziciji: Tereza Wićazec, Julia Młynkec, Helena Bětnarjec, Marija Škodźina, Lubina Mičkec a Jana Mejglowa. Trenar mustwa je Pětr Bejmak, mustwowi nawodźa Handrij Rachela, Gerad Hrjehor, Alena Šołćic a Elisabeth Škodźic. Přejemy nam wšěm wjele wuspěcha. Za 7 mjeńšinow so hra započnje.
    Jan Rehor, 6/19/2016 8:54:01 AM Uhr

    Holcy su perfeknje přihotowane na hru!

    Benno Scholze, 6/19/2016 8:59:35 AM Uhr

    Serbscy fanojo so staraja hižo wo najlěpšu naladu!

    Benno Scholze, 6/19/2016 8:59:47 AM Uhr
    Hmm. Hižo w třećej mjeńšinje Okcitančanki nawjeduja. Z prima přihrawkami su so na lěwej stronje přesadźili. Flanka přizemi we wrotach Jadwigi Richteroweje.
    Jan Rehor, 6/19/2016 9:11:04 AM Uhr

    Wótra třělwa Lary Brücknerec po róžku Sofije Bejmakec..

    Benno Scholze, 6/19/2016 9:16:38 AM Uhr
    Dalše wrota za Okcitančanki. 0:2 (10.) ćisło 10. Owjej. Ličbu serbskich přihladowarjow nětko tež mamy: 180. Cyłkownje je w stadionje SSV Mühwlad něhdźe 300 ludźi. Na trawersach dominuja Serbja, na hrajnišću Okcitančanki.
    Jan Rehor, 6/19/2016 9:17:38 AM Uhr
    Změna pola Serbowkow. We 18. mjeńšinje dyrbi Nadia Zamora-Gonzales hrajnišćo wopušćić. Při dwuboju je wona w kumštnym trawniku wisajo wostała. To derje njewupada. Za Nadju hraje nětko Lubina Mičkec.
    Jan Rehor, 6/19/2016 9:26:24 AM Uhr

    Marie Luiza Pjetašec połoži bul na spěšnu Sofiju Bejmakec kiž smali doprědka!

    Benno Scholze, 6/19/2016 9:27:20 AM Uhr

    Stajne nadběhi Serbow zaběraja cyły škit Němcow z Danskeje.

    Benno Scholze, 6/19/2016 3:52:56 PM Uhr
    2:0 (11.) Dawid Jurš, Jonas Krawčik je so prawej stronje super přesadźił, Krawčikowy pas přetworić bě za Jurša KLAKS
    Jan Rehor, 6/19/2016 3:57:17 PM Uhr

    Dawid Jurš z druhimi wrotami!

    Benno Scholze, 6/19/2016 3:59:25 PM Uhr
    Nětko naša zestawa SKWž: 23 Hubertus Čórlich - 5 Karl Petrick, 8 Denny Kral, 11 Bosćij Bejma, 14 Robert Lejnart, 16 Dawid Jurš, 18 Jonas Krawčik, 22 Bosćij Kindermann, 17 Denny Gloxyn, 6 Fabian Bejma, 7 Tadej Cyž
    Na ławce sedźa abo při ławce steja: 1 Christoph Gloxyn, 2 Patrick Woko, 9 Pětr Domaška, 19 Křesćan Bejmak, 20 Antonius Wałda, 21 Dirk Šołta + trenar Frank Ričl, ko-trenar Andre Strelow, mustwowy nawoda Bjarnat Deleńk, fyzioterapeutaj Frank Domš a Měrćin Špitank, nawoda našeje delegacije Marko Kowar, drastownik Daniel Ričel a hišće někotři hrajerjo, kotřiž dźensa hrać njebudu: Fabian Korjeńk, Bosćij Cyž, Simon Žur, Bosćij Bjeńš, Feliks Hrjehor
    Jan Rehor, 6/19/2016 4:00:06 PM Uhr
    3:0 (14.) Jonas Krawčik
    Hišće někotre słowa ke Krawčikowym wrotam: Njejsmy je widźeli. Naše holcy SKWž pak měnja, zo bě to flanka, kiž je we wrotach přizemiła. Hdyž woni to praja, potom to wšón tak budźe. :-)
    Jan Rehor, 6/19/2016 4:13:28 PM Uhr

    abo tola mjedwjedź?

    Benno Scholze, 6/19/2016 4:56:59 PM Uhr
    75. Jonas Krawčik 4:1, a nětko hraje Antonius Wałda za Dennyja Krala
    Ke Krawčikowym wrotam wjele prajić njemóžemy. Beno je je widźał a přeco hišće přemysluje, ja sym bledźił. Znajmjeńša je sej wón tónkróć prajił: "Ja radšo sam třělić."
    Jan Rehor, 6/19/2016 5:15:06 PM Uhr
    7 hrajerkow Okcitanskeje wubranki žonow hraje w 1. lize w Francoskej! :o

    Teamowy šef Korutanskich Słowjencow je přesłapjeny. Wón měješe dźensa podobny problem kaž SKWm. Wjacori hrajerjo su wčera hišće wo postup ligu wyše hrali a dźensa bjez mocow byli.

    Jutře hraja naše holcy přećiwo hrajerkomaj narodneho koparskeho mustwa Italskeje U17! Regularije to dowola. Jenož koparki kiž maja hižo zasadźenje w narodnym mustwje A (žony) njesmědźa so na europeadźe wobdźělić.
    Jan Rehor, 6/19/2016 8:11:35 PM Uhr
    Ow jej! Smój tu z Benom tuchwilu tróšku přežadanaj. Beno spyta podarmo zwisk k RBB do Choćebuza najwjazać a ja sym změnu přewidźał, dokelž je tafla, na kotrejž so wuslědk pokazuje zaprajiła. Nětko ma Beno mjeztym zwisk. Spěšnje na 100,4! Za Klawdiju Hejdušcynu hraje wot 51. mjeńšiny Nadia Zamora :-). Rjenje, zo je Budyšanka tola fit.
    Jan Rehor, 6/20/2016 10:28:07 AM Uhr

    Kusk atmosfery smój tež natočiłoj.

    Jan Rehor, 6/20/2016 10:35:04 AM Uhr

    kaž hižo prajene hraje Nadja Zamora-Gonzales a hłizda na lěwym boku po hrajnišću

    Benno Scholze, 6/20/2016 10:37:11 AM Uhr
    Snano sće hižo na internetowych stronach europeada.eu widźeli so hraje w skupinje A za Zapadothrakskich Turkow wubranka z Pusterthalskeho doła. Hry pak su bjez hódnoćenja.
    Jan Rehor, 6/20/2016 10:38:18 AM Uhr

    Piwo, piwo, te dyrbi pite być! Zastaranje je wuběrne. Jenož blogowarjej Serbskeho rozhłosa sedźitaj na suchim. :-(

    Jan Rehor, 6/20/2016 10:45:38 AM Uhr

    Franc Richter a Marija Škodźina chwatataj na hrajnišćo. Franciska Hellnerowa je so zraniła. Franc Richter je syn našeje wrotarki Jadwigi Richteroweje.

    Benno Scholze, 6/20/2016 10:46:21 AM Uhr

    Medicinske zastaranje je přikładne - spěšne a tež pomha. Franciska zaso hraje!

    Benno Scholze, 6/20/2016 10:47:37 AM Uhr
    0:4 (80.) To bě HAMOR! Sylny wětřik je tež hišće pomhał. Dale dźe. Za Michaelu Młynkec hraje nětko sotra Julia Młynkec.
    Jan Rehor, 6/20/2016 10:49:07 AM Uhr
    Zow, nětko mamy hišće kusk časa to z tej wuslědkowej taflu tu w stadionje w Sand in Taufers wujasnić. Potajkim: Jako je 3:0 padnyło je so posłužowar tafle najskerje na wopačny knefl walił. Z našeje 0 nasta nadobo 20! :-) Stadion ruješe!
    Jan Rehor, 6/20/2016 11:40:26 AM Uhr

    Fanojo! To je za was! Luby postrow wot našich holcow :-).

    Jan Rehor, 6/20/2016 11:40:44 AM Uhr
    Kedźbu! Při našim blogowanju je so nam zmylk stał. Naše holcy hraja štwórtk, w 11.00 hodź. w Mühwaldźe!
    Jan Rehor, 6/20/2016 12:24:34 PM Uhr

    mužojo so sćopla - za 16 mjeńšiny započnje so hra přećiwo Madźaram ze Słowakskeje

    Benno Scholze, 6/20/2016 1:41:23 PM Uhr
    Hrajemy dźensa znowa w Mühlwaldźe - na městnje, na kotrymž sym wčera 1:12 přěhrali. Dźensa pak je konstelacija hinaša. Naši mužojo hraja mjenujcy přećiwo konkurentej, kotryž zda so runhódny. Dajmy so překwapić. Hólcy! Wjele wuspěcha.
    Jan Rehor, 6/20/2016 1:46:17 PM Uhr

    Patrik Woko so sćopli z wosebitej masku. Před tydźenjomaj je sej mjenujcy při kopańcy nós złamał. Z pomocu lěkarja Huberta Mički je so tuta ekstra za Patrika Woka zhotowiła, zo by mjezwočo škitała. Najlěpje by było, jeli-zo njeby cyła mužaca wubranka žadyn na nós dóstała.

    Benno Scholze, 6/20/2016 1:47:50 PM Uhr
    SKWm hraje dźensa takle: Hubertus Čórlich - Patrick Woko, Bosćij Cyž, Fabian Korjeńk, Karl Petrick, Denny Kral, Pětr Domaška (C), Simon Žur, Feliks Hrjehor, Jonas Krawčik, Dirk Šołta
    Za wuměnu steja k dispoziciji: Christoph Gloxyn (wrotar), Bosćij Bejma, Robert Lejnart, Bosćij Bjeńš, Dawid Jurš, Bosćij Kindermann a Denny Gloxyn
    Jan Rehor, 6/20/2016 1:51:49 PM Uhr
    Prěnje protesty su do OK-běrowa dóšli. Wjace wo tym jutře rano w Serbskim rozhłosu abo snano tola hišće dźensa wječor tu w našim blogu. Serbska koparska wubranka muži je tež indirektnje potrjechena.
    Jan Rehor, 6/20/2016 4:23:32 PM Uhr

    Widejokružkej pod nawodom Michała Cyža so hižo 3 hodźiny do hry hłowa kuri. Nadźijomnje Cyžowe mustwo tutón wulki pensum hač do kónca předźerži. Wulka chwalba wšěm tym, kiž staraja so wo livestream!

    Jan Rehor, 6/21/2016 1:32:49 PM Uhr
Gesponsert von ScribbleLive Content Marketing Software Platform