Liveblog

Europeada

Europeada

  • Ow jej! Smój tu z Benom tuchwilu tróšku přežadanaj. Beno spyta podarmo zwisk k RBB do Choćebuza najwjazać a ja sym změnu přewidźał, dokelž je tafla, na kotrejž so wuslědk pokazuje zaprajiła. Nětko ma Beno mjeztym zwisk. Spěšnje na 100,4! Za Klawdiju Hejdušcynu hraje wot 51. mjeńšiny Nadia Zamora :-). Rjenje, zo je Budyšanka tola fit.
    Jan Rehor, 6/20/2016 10:28:07 AM Uhr
  • Kusk atmosfery smój tež natočiłoj.

    Jan Rehor, 6/20/2016 10:35:04 AM Uhr
  • kaž hižo prajene hraje Nadja Zamora-Gonzales a hłizda na lěwym boku po hrajnišću

    Benno Scholze, 6/20/2016 10:37:11 AM Uhr
  • Snano sće hižo na internetowych stronach europeada.eu widźeli so hraje w skupinje A za Zapadothrakskich Turkow wubranka z Pusterthalskeho doła. Hry pak su bjez hódnoćenja.
    Jan Rehor, 6/20/2016 10:38:18 AM Uhr
  • Piwo, piwo, te dyrbi pite być! Zastaranje je wuběrne. Jenož blogowarjej Serbskeho rozhłosa sedźitaj na suchim. :-(

    Jan Rehor, 6/20/2016 10:45:38 AM Uhr
  • Franc Richter a Marija Škodźina chwatataj na hrajnišćo. Franciska Hellnerowa je so zraniła. Franc Richter je syn našeje wrotarki Jadwigi Richteroweje.

    Benno Scholze, 6/20/2016 10:46:21 AM Uhr
  • Medicinske zastaranje je přikładne - spěšne a tež pomha. Franciska zaso hraje!

    Benno Scholze, 6/20/2016 10:47:37 AM Uhr
  • 0:4 (80.) To bě HAMOR! Sylny wětřik je tež hišće pomhał. Dale dźe. Za Michaelu Młynkec hraje nětko sotra Julia Młynkec.
    Jan Rehor, 6/20/2016 10:49:07 AM Uhr
  • Dwě kurioznej wěcce hišće mamy. Na ławce Južnotirolčankow sedźi psycholowgowka! :-) My tajke funkciju nimamy. Naši fanojo bychu pak sej rady serbskeho dušepastyrja přeli. :-). Za team SKW a/abo fanow?
    A nětko info ćisło dwaj: Tafla je skrótka 3:20 pokazała. K tomu pak pozdzišo.
    88. Lubina Mičkec za Michaelu Domaškec
    Jan Rehor, 6/20/2016 10:55:15 AM Uhr
  • 0:5 (90. +2), njejsmój prawje widźałoj, bul ležeše nadobo we wrotach.
    Jan Rehor, 6/20/2016 10:58:20 AM Uhr
  • Kónc! SKWž přěhraje přećiwo hosćićelkam po chětro angažowanym wukonje z 0:5 (0:2). Mój wostanjemoj hišće skrótka w Sandźe a přizjewimoj so potom ze Mühwalda.
    Jan Rehor, 6/20/2016 10:59:45 AM Uhr
  • Ta jedna wěc přec wostanje, serbska wubranka přec wojuje!
    Jan Rehor, 6/20/2016 11:03:30 AM Uhr
  • to najskerje nichtó njezabudźe..najlěpša nalada na trawerzach a přez to tež pola hrajerkow, tež hdyž su přěhrali

    Benno Scholze, 6/20/2016 11:12:59 AM Uhr
  • to wšo skomdźiće tam doma we Łužicy..wokomiki, kiž nichtó tak spěšnje njezabudźe

    Benno Scholze, 6/20/2016 11:14:25 AM Uhr
  • Zow, nětko mamy hišće kusk časa to z tej wuslědkowej taflu tu w stadionje w Sand in Taufers wujasnić. Potajkim: Jako je 3:0 padnyło je so posłužowar tafle najskerje na wopačny knefl walił. Z našeje 0 nasta nadobo 20! :-) Stadion ruješe!
    Jan Rehor, 6/20/2016 11:40:26 AM Uhr
  • Fanojo! To je za was! Luby postrow wot našich holcow :-).

    Jan Rehor, 6/20/2016 11:40:44 AM Uhr
  • Kedźbu! Při našim blogowanju je so nam zmylk stał. Naše holcy hraja štwórtk, w 11.00 hodź. w Mühwaldźe!
    Jan Rehor, 6/20/2016 12:24:34 PM Uhr
  • mužojo so sćopla - za 16 mjeńšiny započnje so hra přećiwo Madźaram ze Słowakskeje

    Benno Scholze, 6/20/2016 1:41:23 PM Uhr
  • Hrajemy dźensa znowa w Mühlwaldźe - na městnje, na kotrymž sym wčera 1:12 přěhrali. Dźensa pak je konstelacija hinaša. Naši mužojo hraja mjenujcy přećiwo konkurentej, kotryž zda so runhódny. Dajmy so překwapić. Hólcy! Wjele wuspěcha.
    Jan Rehor, 6/20/2016 1:46:17 PM Uhr
  • Patrik Woko so sćopli z wosebitej masku. Před tydźenjomaj je sej mjenujcy při kopańcy nós złamał. Z pomocu lěkarja Huberta Mički je so tuta ekstra za Patrika Woka zhotowiła, zo by mjezwočo škitała. Najlěpje by było, jeli-zo njeby cyła mužaca wubranka žadyn na nós dóstała.

    Benno Scholze, 6/20/2016 1:47:50 PM Uhr
  • SKWm hraje dźensa takle: Hubertus Čórlich - Patrick Woko, Bosćij Cyž, Fabian Korjeńk, Karl Petrick, Denny Kral, Pětr Domaška (C), Simon Žur, Feliks Hrjehor, Jonas Krawčik, Dirk Šołta
    Za wuměnu steja k dispoziciji: Christoph Gloxyn (wrotar), Bosćij Bejma, Robert Lejnart, Bosćij Bjeńš, Dawid Jurš, Bosćij Kindermann a Denny Gloxyn
    Jan Rehor, 6/20/2016 1:51:49 PM Uhr
  • 1:0 Serbja, wólny kop Feliks Hrjehor - samowrota. Nó to bě tola raz zazběh. Na prawej stronje bě Madźar ze Słowakskeje Pětrej Domašce do nohow kopnył. Wólny kop třěli Feliks Hrjehor wótrje do šěsnatki. Tam tykny škitar nohu do třělwy a wotprěči bul do swójskich wrotow.
    Jan Rehor, 6/20/2016 2:04:34 PM Uhr
  • hnydom na to wulka mjerwjeńca před serbskimi wrotami

    Benno Scholze, 6/20/2016 2:09:15 PM Uhr
  • Dwójce Madźarojo (5., 6.) - dwójce reaguje Hubertus SUPER!
    Jan Rehor, 6/20/2016 2:11:55 PM Uhr
  • Wobaj cyłkaj chcetaj a dyrbitaj hru dobyć, zo by šansa na docpěće štwórćfinala dale wobstała. Madźarojo ze Słowakskeje su wčera 1:0 přećiwo Korutanskim Słowjencam dobyli a Serbja 5:1 přećiwo Němcam z Danskeje. Ličimy z tym, zo Korutanscy Słowjency Němcow z Danskeje jasnje přewinu.
    Jan Rehor, 6/20/2016 2:18:53 PM Uhr
  • Hubertus Čórlich ma zaso tójšto dźěła!

    Benno Scholze, 6/20/2016 2:20:20 PM Uhr
  • Wulka njelěpšina za wobaj cyłkaj staj dźensa zaso asistentaj sudnika. Wupada za tym, zo mataj runje čas, a zo su so zamołwići SSV Mühwald krótko do hry woprašeli, hač mataj čas. To je njeprofesionalne!
    Jan Rehor, 6/20/2016 2:23:57 PM Uhr
  • z tajkimi kosami dyrbja Serbja dźensa ličić

    Benno Scholze, 6/20/2016 2:27:44 PM Uhr
  • Dwanaty muž budźe dźensa hru sobu rozsudźić dyrbjeć!

    Jan Rehor, 6/20/2016 2:28:57 PM Uhr
  • Manometer! Je to napjata hra, z lutymi lózkosćemi našich přećiwnikow. Přeco zaso storkaja a ze schowanymi foulemi prowokuja.
    Jan Rehor, 6/20/2016 2:32:16 PM Uhr
  • Poł hodźiny hrajneho časa je nimo, lěpšiny maja tuchwili Madźarojo. Njemóžemy so tak prawje wuswobodźić a doprědka hrać.
    Jan Rehor, 6/20/2016 2:35:43 PM Uhr
  • Žołta karta za wrotarja přećiwnika dla lózyskosće přećiwo Simonej Žurej.

    Benno Scholze, 6/20/2016 2:39:38 PM Uhr
  • Strašna situacija! Wólny kop! 22 metrow před našimi wrotami. Wrota 1:1! Super třělny wólny kop. Nětko bychmy dyrbjeli pomału do přestawki hić (40.).
    Jan Rehor, 6/20/2016 2:40:28 PM Uhr
  • Beno měni, zo pobočny sudnik tu hewak piwo předała.
    Jan Rehor, 6/20/2016 2:45:38 PM Uhr
  • Žołta karta Denny Kral, dalši wólny kop. 35 metrow před našimi wrotami. Ničo njeje so stało.
    Jan Rehor, 6/20/2016 2:46:41 PM Uhr
  • Mały kwiz k połčasej: štó so chowa za bulom?

    Benno Scholze, 6/20/2016 2:50:09 PM Uhr
  • Por linkow k wólnemu kopej, kotryž wjedźeše k 1:1. Gerat Hrjehor so přeco hišće změrować njemóže. Wjacori přećiwnicy stłóčachu so do našeje murje. Sudnik to dowoli a naši stejachu nadobo za Madźarami w njej. To njedawa.
    Jan Rehor, 6/20/2016 2:59:28 PM Uhr
  • Cyłkaj staj zaso na hrajnišću. Dale dźe. Naš cyłk je bjez změny.
    Jan Rehor, 6/20/2016 3:00:35 PM Uhr
  • Feliks Hrjehor šmórny bul na wrota, ale posledni muž jón ma.

    Benno Scholze, 6/20/2016 3:07:45 PM Uhr
  • Smój z Benom runje raz spytałoj domjace ligi našich přećiwnikow wuslědźić. Komplikowana wěcka. Snano wěmoj dźensa wječor wjac.
    Jan Rehor, 6/20/2016 3:11:08 PM Uhr
  • 2:1 SERBJA / Pětr Domaška / wólny kop Kral, wrotar bul wotplacny, Domaška reaguje najspěšnišo (57.)
    Jan Rehor, 6/20/2016 3:11:30 PM Uhr
  • a takle to wupadaše..

    Benno Scholze, 6/20/2016 3:13:52 PM Uhr
  • Domaška je karu do kólnje sunył!

    Benno Scholze, 6/20/2016 3:15:19 PM Uhr
  • Patrick Woko wotkopnje bul z wrotoweje linije!
    Jan Rehor, 6/20/2016 3:18:22 PM Uhr
  • Wijemy z hłowu! Tajka měca. Štó? Na sudnik. AJAJAJAJ!
    Jan Rehor, 6/20/2016 3:21:43 PM Uhr
Gesponsert von ScribbleLive Content Marketing Software Platform